Litpower
Kalinangan ng Literatura at Paglikha Incorporated

 
Putik na nang-aagnas
ni orlando pineda
 
humiga ang mapanghalinang lupa
bumukaka’t sumitsit,
tinawag ang kaisa-isang suki
ang alikabok na walang bigat
 
naakit, umatikabo ang libog
nitong kostumer
sa anyaya ng nakahiga
napahinuhod, sumunod
 
banayad na halik
sinimulang inilapit, idinampi
sa madayang amoy
na nakakapit sa kamay ng lupa
 
tuluyang sinimsim,
inangkin ang misteryosong samyo
nitong katalik
iginala ang dila sa bitak-bitak na alindog
nakipagniig ang alikabok
sa lupa, sa maimpluwensyang lupa
nagtalik nga [...]